برافو.. وزير العدل: أنا مع تجريم زواج القاصرات وإلغاء إذن القاضي.. وغانشددو العقوبات على لي كيضربو النساء

قال عبد اللطيف وهبي، وزير العدل، إنه "مع تجريم زواج القاصرات ومع إلغاء الإذن لي كيصدر القاضي باش يزوج القاصرات".
وأضاف وهبي، في جوابه على أسئلة البرلمانيين، "زواج القاصرات يعني البنت غاتعاني صحيا ومغاديش تمشي المدرسة".
وشدد وهبي بأن تجريم زواج القاصرات هو لي غادي يقضي على هاد الآفة.
وهضر وزير العدل كذلك، على نية الوزارة فتشديد العقوبات على معنفي النساء والزوجات، وأكد بلي الخلايا ديال محاربة العنف ضد النساء معطاتش نتائج مزيانة، وشدد بلي خاص تقنيات جديدة لمحاربة هاد الظاهرة.
موقف التجريم ديال هاد الزواج مهم بزاف، ومزيان يكون فمشروع القانون الجنائي الجديد، وذلك بعدما رجعت هاد الظاهرة للواقع المغربي بحيث تزادو حالات زواج القاصرات ف2021 لي وصلات ل19 ألف حالة زواج.