الركراكي: اللعابا موعتين ومقاتلين وبونو من أحسن لكوال فالعالم

أكد الناخب الوطني وليد الركراكي أن الفضل فتأهل المنتخب الوطني المغربي لربع نهائي كأس العالم قطر كيرجع للعابا وفمقدمتهم ياسين بونو اللي تألق ضد إسبانيا وللشعب المغربي.
وقال وليد الركراكي فالندوة الصحافية من بعد الماتش ديال المغرب وإسبانيا: "لعبنا مع منتخب من أحسن المنتخبات فالاستحواذ على الكرة وربحنا بفضل ياسين بونو اللي كيتعتبر من أحسن لكوال فالعالم".
وليد الركراكي أكد بلي اللعابا ديال المغرب كاملين كيتقاتلو وبلي المغاربة معاونينهم، حيث واقفين معهم، وقال: "اللعابا كاملين موعتين راه ما عندناش منتخب واجد بلا إصابات، حنا قوويين حيث ولينا عائلة ومن ورانا الشعب المغربي".