مدرب كرواتيا: اللعابا ديالنا عياو وعندنا إصابات وباقي ما عرفنا شكون غيلعب ضد المغرب

كشف مدرب زلاتكو داليتش مدرب كرواتيا أن المنتخب الكرواتي كيعاني من العيا ديالي ليماتش اللي فاتو فكأس العالم قطر 2022، وهادش قبل مواجهة المنتخب الوطني المغربي فماتش تحديد صاحب المركز 3 و 4 فالبطولة غدا السبت، وأكد أنه كاينين إصابات وسط اللعابا ديالو.
وتحدث زلاتكو داليتش فالندوة الصحافية اللي كتسبق ماتش المغرب وكرواتيا وقال: "عندنا ارهاق وانهاك وإصابات فالمنتخب ومن اللعابا اللي موعتين كاين مارسيلو بروزرفيش لاعب وسط التيران، والمدافع يورانوفيتش واللي باقي معرفناش واش غادي يكونو غدا فالماتش أو لا".
وكمل زلاتكو داليتش وقال: "كيقدرو يجيوك شي حوايج على غفلة، وأنا كنتمنى اللعابا ديالنا يكونو صرحاء معنا ومع ريوسهم وما يغبيوش علينا الإصابات واش قادرين نفسيا وبدنيا يلعبو الماتش أو لا، حيث كلهم باغيين يلعبو ويساهمو فالفوز بالميدالية النحاسية ولكن خاصنا نردو البال باش ما يتوعت حتى لعاب أن تزاد الاصابة ديالو، وأنا ما باغيش نبدا الماتش بلاعبين موعتين ومن بعدها نضطر نغيرهم ومازال ما عرفناش شكون غادي يدخل فالتشكيلة الرسمية".