الصاروخ اللي ضرب زهير المترجي على الأهلي ففينال العصبة تختار أجمل هدف للوداد عام 2022

ربح زهير المترجي مهاجم الوداد الرياضي جائزة أجمل هدف فعام 2022، وهو العام اللي ساهم فيه اللاعب فتتويج الحمرا بلقب البطولة الاحترافية ودوري أبطال إفريقيا.
واختار جمهور الوداد الرياضي، حسب ما أعلن عليها الفريق الأحمر، هدف زهير المترجي على الأهلي المصري خلال نهائي دوري أبطال إفريقيا أحسن وأجمل هدف للفريق فعام 2022.
للإشارة فزهير المترجي سجل هدف جميل أيضا، فالماتش السابق ديال الوداد الرياضي على المغرب التطواني، واللاعب موعت دابا ومهدد بالغياب للأسابيع المقبلة على ليماتش ديال الحمرا بما في ذلك كأس العالم للأندية، والطاقم الطبي ديال الوداد كيحاول ما أمكن يقلص مدة غياب اللاعب فانتظار يتحدد بشكل رسمي شحال محتاج باش يرتاح من بعدما يسالي جميع الفحوصات.