اللعابا ديال الوداد كتسناهم مكافأة من بعد ماتش التواركة

خصص الحسين عموتة مدرب الوداد الرياضي مكافأة للعابا ديال الحمرا بمناسبة التوقف الدولي اللي غادي يتزامن مع كأس العالم المقبل فقط، قبل ما يرجعو من جديد للتداريب إستعدادا لاستئناف المنافسات.
مصدر مطلع كشف أن المدرب الحسين عموتة غادي يعطي للعابا ديال الوداد راحة لمدة 5، من بعد ماتش الأحد الجاي، ضد إتحاد تواركة فالبطولة باش يرتاحو من بعدما لعبو ماتشات متابعة ملي بدا الموسم فالبطولة ودوري أبطال إفريقيا، قبل ما يرجعو ويدخلو فأجواء التدريبات ويحضرو لعودة ليماتش ديال الحمرا.
للإشارة فالوداد الرياضي من المنتظر يعتذر على المشاركة فدوري ودي دولي فالكويت، كيشرف عليه العربي الكويتي من بعدما كان وافق باش يلعب فيه فوقت سابق، قبل ما يقرر يتراجع على هاذشي وكيفكر يبقى فالمغرب ويتدرب.
وغادي توقف منافسات البطولة الإحترافية لكرة القدم الأحد الجاي من بعد إجراء الجولة 8 منها، حيث المنتخب المغربي غادي يشارك فكأس العالم، وغادي يلعب فالجولة المذكورة ضد فريق إتحاد التواركة فتيران المركب الرياضي محمد الخامس بالدار البيضاء.