الأهلي المصري ناشط بالاستقبال اللي دار ليه المغرب وبدا كيتدرب فتطوان (تصاور)

غادي يبدا الأهلي المصري التداريب ديالو فالمغرب اليوم الأحد، باش يوجد لماتش افتتاح كأس العالم للأندية وهادشي من بعدما وصل البارح بالليل لطنجة.
وشدو الأهلي المصري الطريق قبل لحظات من فندق إقامة الفريق إلى تيران سانية الرمل فتطوان، اللي غادي يوجدو فيه هاد الأيام باش يلعبو ماتش افتتاح الموندياليتو، وغادي يديرو اليوم أول حصة تدريبية من بعد وصولهم إلى مدينة طنجة البارح وسط استقبال زوين من المسؤولين المغاربة وهادشي فرح المصريين وخلاهم ناشطين.
للإشارة فتيران سانية الرمل بمدينة تطوان كيحتضن تداريب الأهلي المصري وأيضا، الخصم ديالو أوكلاند سيتي النيوزيلاندي، واللي سبقو فالوصول إلى المغرب وغيلعبو الأربعاء الجاي فتيران طنجة الكبير.