ماتش الوداد والجديدة آخر فرصة للمدرب النفتي وها لاليست ديال الحمرا المباراة

غيلعب فريق الوداد الرياضي اليوم الثلاثاء مع الدفاع الحسني الجديدي فتيران العبدي بمدينة الجديدة، فالدورة 17 من الدوري الاحترافي المغربي، وهي مباراة مهمة بالنسبة للفريق الأحمر.
غيكون الماتش فرصة أخيرة بالنسبة للمدرب التونسي المهدي النفتي اللي الإقالة ديالو محطوطة على مكتب رئيس النادي سعيد الناصيري، بسبب نتائجو اللي ماكانتش فمستوى تطلاعات المكتب المديري والجماهير، والماتش أمام الدفاع الحسني الجديدي غيكون مصيري إلى كان باغي يحافظ على بلاصتو على الأقل الأسابيع المقبلة فالواك.
وبخصوص الاختيارات ديال المهدي النفتي أمام الدفاع الحسني الجديدي، فالوداد الرياضي غيدخل الماتش بلاليست فيها كل من لكوال التكناوتي، مريد، وباقي اللاعبين العملود، الندراني، فرحان، أبو الفتح، زولا، عطية الله، داودي، حيمود، جبران، باعوش، الحسوني، إ.المترجي، اللافي، أوناجم، بوسفيان، بوهرة، لامكيل زي، صامبو.
وكتعرف اللائحة ديال الوداد الرياضي ضد الدفاع الحسني الجديدي مجموعة من الغيابات لأسباب مختلفة فحال رضا الجعدي، وحميد أحداد، والحسين بن عيادة اللي موعتين، وحمزة ايت علال اللي موقفو المكتب المديري لأسباب تأديبية.