قصيدة زجلية: الصحة

هي تاج عريض فوق راس كل صحيح
ما يشوفوا غير المريض اللي ما عاش مليح
هي هبة من عند الله
من صانها تصونوا
واللي خانها تخونو
هي كلشي وهي راس المال
من عرف قيمتها يعيش مرتاح البال
واللي ما ضرب حسابو أشد فخيوط الرغبة
يعيش غادي جاي بين الطبة والطلبة
يبات ما ما طالت الليالي
يبكي ويقول أش حالي
يا صحتي يا راس مالي
يلا مشات أش بقى لي
وسمع كلامي يا ذاك الصحيح لا تغرك الصحة والطولة
وتقول راني بريان مليح وتعيش معيشة العجولة
وقف مع راسك وقفة معقولة
أشوف لحال المرضى
يا اللي ما تسوى نص فولة
راه لازم تمشي ألازم تكضى