حْيّاني يانا

كيفْ البحر
لّي هاجتْ مْواجو
القليبْ احْتار
تخلطاتْ نساجو
الحْمَلْ ثقيل أزايدْ ف ثقا لو
به ْبنادم اليوم
دايخ مْجاجو
شي تلقاه مْهنّي فحْوالو
ف الخيرْ، تسْرح نعاجو
أشي ف عذابْ مطيّحْ كْتافو
مفرّش حْصيره
.. كحلْ مقراجو******
شفتْ المسكين اليوم طارْ نعاسو*****
ما حيلْتُ ف خدمَه
ما حِيلت ف زواجو
حياني علْ الحيط المعوّج منْ ساسو
عيّبْ داري
وضرني تعْواجو
حياني يانا عْ اللي طاع هبالو
والناس ساكته ..قابلين عْجاجو
الحرْفْ مخنوقْ ضاع سْراجو
والغْنَى منشورْ ف البلاد خْماجو *
الحق اليوم ما ليهْ حْباب
والصْدَا مطلوبْ
كُلشي محْتاجو
الغيطه الطويله سبّاتْ الستيلو****
اليوم دْيال النغمه
الناس بها يتناجو
ناض الشيك أطلق لسانو
راه المال دروجْ
غيرْ كلها ودْروجو
القلْمْ جاوبْ أحلف ب حْلوفو
هادوك خْماج ْ*************
غيرْ كلها وخْروجو*********
قالو سيدي مولاي سرّج عودو*****
لَ خْرين قالو العزّ بْ حروفو
ماشي ف سْروجو*
ز* زايد التجاني