جلماد جمع دراري ديالك

كيفاش زعمة باغين تخراج العنين و لا كيفاش, راه داكشي لكنعرف ندير, مالكوم مع الدراري ديال ناظورسيتي, لكنعلن تضامن ديالي معاهم اللامشروط عن المهزلة لدارها نوردين و لا معرفت سميتوا, ياك ما تخلع فداك لكراد لعندوا فكتافوا راه ما كبير غير الله, و زايدون ما بان ليك غير دراري دناظور سيتي زعما تمارس عليهم السلطة ديالك و تعسف لنا على الزميل العلالي لهو أحد أنزه الصحفيين بالإقليم, ولا تما بقات منين هو نزيه معندكش معاه, المهم هو أنه خاص سي جلماد يجمع الدراري ديالوا على الدراري ديال الصحافة, ويخليهم يخدموا خدمتهم و دراري ديالو يقابلو شغلهم, راه ريحت الجرائم و الإنفلات الأمني عاطية هاد ليام
تا ولات كتوقع فوصط لمدينة. البوليس كاع ما سايق لخبار.
وباركا ما ديروا فيها واعرين و تضيق لخناق على الإعلام المستقل. وناظورسيتي وكلمة حق راه من المواقيع لقلال لداير خدمتوا كما يجب و بإحترافية و مهنية و خليوه عليكم فالتقار ها العار, و خرجوا العنين فحاجة لتنفعنا ماشي الدرنا.
و السي نور الدين إلى عجباتك ديك الكاميرة لتيصور بها الزميل مراد ميموني قولها ليا نقوليك منين شراها و سير شري شي وحدا ليك ماشي تنطرها ليه بحال شدري صغير
بلا حق.
و الزميل العلالي ما ديرش فبالك و متعصبش لنا راه مازل محتاجينك.و ها هو مستوني بوثفذنين على سن و رمح كيتضامن معاك تضامن غير مشروط
سي جلماد نعاودها ليك و خا نتا ما دخلش فهادشي,جمع دراري ديالك على الصحافة