محمد السادس.. عنوان قصيدة شعرية أمازيغية للشاعر الحسن الموساوي

ءاذِنيغْ بازْ بازْ سْ- يِري ءنو ذزيرارْ
لَلاَّ ثامورثْ ءنو ءادجَّاخو ءثَضهارْ
ءادجَّاخو ءذاياسْ ءازْري ذِغا نَخْزارْ
ما ثوحَذْ غا ثاغْزوثْ ءاوارْ خاسْ ذزيرارْ
كورْشي قاعْ ءبَذَّ رْ ءامْ ثانْدينْتْ ءامَدْشارْ
كورْشي قاعْ ياتْواسَّكْ كورْشي قاعْ ءنَوَّارْ
محمذ السادسْ ءبَدَّانْ خِ- جوضارْ
وياجِّي ثِنَدَّامْ وَياجِّي بورَبْحارْ
وياجِّي مارَتْشيكا وَياجِّي بويَفارْ
وَياجِّي ءاعَرْوي ءورا ذزْرو هَمَّارْ
وَياجِّي ءازْغَنْغانْ ءورا تْراثْ نْ- وذَرارْ
ءانَكَّثْ فوسْ كْ- فوسْ ءانَسْمونْ ثِزَمَّارْ
ءانَسْمونْ ءاسيرَمْ ءانَسْمونْ ءامَهْيارْ
ءانَسْمونْ ءصورافْ ءانويورْ خِ- جو ضارْ
ءانَسْمونْ ءامَازولْ ءانَسْمونْ ءاحَجَّارْ
ءانَسْمونْ ثِواشا سَ- رْميزانْ ذْ- رَعبارْ
حوما ءانَغْ ثاشْنا، ءامَحْضارْ ءاذِغارْ
ءانَزَّرْ خْ- رَغْبَنْ ءانَزَّرْ خوسَعْقارْ
ءانَسّيغْ ثِفاوينْ ءانَسَّخْسي رَفنارْ
ءانَشَدْ ءهارْكوسَنْ ءانِرارِ خ- ثْنَهارْ
محمذْ السادسْ ءامَزْذاكْ نْ- وَزْوارْ
ءامَزْذاكْ نْ- وورْ ءياشْثينْ ءمَعْضارْ
ءعِيزْ خْ- وورْ نَّاغْ ءتاخْسيثْ رْخضارْ
ءاذريغْ ءاذِنيغْ سْ- يِري ءنو ذَزيرارْ
محمذْ السادسْ ءاجَدجِّيذْ ءامَهْيارْ
ذِثمورْثْ نَّغْ ءعِزَّانْ رَذِجْ ما يَمَّنْدارْ
ءايا سذي ربي ءانِيياسْ ذِرَعمارْ
ءانِيياسْ ذِثوذارْثْ ءانيياسْ ثِزَمارْ
ناشِّينْ ءريفَيَّا رَبْدا كِذاسْ نَحْضارْ
باريس يوم 16/4/10