حركة 20 فبراير بني اعياط تدعو إلى وقفة احتجاجية امام مقر جماعة بني عياط

حركة 20 فبراير بني اعياط تنظم وقفة احتجاجية امام مقر جماعة بني عياط على الساعة السابعة مساء يومه الاحد 24 يوليوز2011
توصلت ازيلال أنلاين ببلاغ من تنسيقية حركة 20 فبراير بني عياط جاء فيه:
"محكورين مقهورين حتى لين نبقاو ساكتين مدلولين سكان بني عياط رجال ونساء شباب وشابات
كاين الظلم والقهر والتهميش والتفقير والحكرا ، فبلادنا مكاينش الحرية والكرامة، فبلادنا غير الظلم والفساد والاستبداد، مكاين تغطية صحية ولا سبيطارات ولا اطباء... الدوا غالي او مكاينش او الممرض بايع اشاري... المعيشة غلات، سكر ، الزيت، الدقيق، الما، والضو... كلشي غالي الا الحكرة والقهرة..
شعلوا العافية فالسكن اوكيهدمو ديور الفقراء اويهزو ليهم السيما اوالحديد لي شراو من عرق كتافهم..
التعليم ولا بالفلوس او العمومي ولا مفلس ، الرتبة الاخيرة في العالم...
دمرو ا مزال كيدمرو في الشباب بالخمارات والمخدرات..
الهمة والماجيدي والعصابة ديالهم شدو كلشي اونهبو خيرات البلاد والعباد بلا محاسبة بلا عقاب من الفلاحة للفوسفاط للطاقة للحوت...
بغينا دستور ديمقراطي ديال الشعب ماشي دستور العبيد..
بغينا لي يحكم نحاسبوه..
عندنا غيرة على بلادنا اللي خرجو عليها الشفارة والمفسدين..بغينا نقادوها ونعيشو فيها بحريتنا وكرامتنا بلا خوف بلا ظلم وبلا استبداد...
اجيو نخرجوا نتظاهرو بالسلم ونقولو لا للفساد ولا للاستبداد ، نعم للحرية والكرامة والعدالة الاجتماعية.."
المكان: امام مقر جماعة بني عياط على الساعة السابعة مساء يومه الاحد 24 يوليوز2011
اسريف اسريف ابريد إيسول إغزيف