يا حبيبتي

يا أم العيون سود
من يوم ما غابت شمسك
ما عدش باقي لي غير الليالي السود
كل يوم استناكي في مكان لقانا
وأقول حبيبتي النهارده راح تعود
من يوم فراقك يا حلوه
والقلب ما عدش يعرف الضحكة
ولا القمرية بقيت تطلع عالبيوت
ماليش حبيبة ولا وطن غيرك
ولو ليا مش اختار غيرك
أنتي بحر وأنا سمكة برا ميتك تموت
أنا اللي العجز بيقتلني
وما حلتيش غير الأشعار والحزن والسكوت
جيت أشيل توب العار
قال اللي زيك ما يستحق حتي يشيلني
إزاي تحب؟
وتسيب حبيبتك تغتصب في حضن اليهود
وهي بتحارب لوحدها وتعافر
وتصرخ وتقول الفارس الأسمر حبيبي بكره راح يعود
هو أنت ما تعرفش أن اللي يبيع حبيبه
يحتقره أذل ذليل
وإن مات يترفع عن جسده من الأرض دود
الشهيد هو اللي يعيش عشان حبيبه
و عشان حبيبه يموت
أقسمت بالقرآن والأنجيل وقبليهم رب الوجود
لو بيني وما بينك يا حبيبتي بحور من نار
لعدي في النار وأخوض
وبدمي يا عروستي أحنيكي
وأغني ليكي أغنية كلامها صوت البرود
وأعمل شعرك الأسود ضفاير
وأغسل لك بدمعي الخدود
وألبسك فستان زفاف ...غزلته أنا بأيدي
ما أنتي حبيبتي
ويا حسنها اللي يحبها صعيدي
أنتي وطني وحبيتي
من ترابك اتولدت
ومن رحمك ابني وحفيدي
وهترجعي تضحكي زي زمان
ونمشي عالنيل عنيك في عيني
أيدك في أيدي
وأقول لك يا حبيبتي
يا حبيبتي
يا حبيبتي
وصيتي ليكي يا أمي
المصري المطحون محمد الطهنشاوي