في رده على تدونية نشرها أشهر شرطي مغربي، هشام ملولي، على جداره الأزرق بسط من خلالها الخطوات القانونية التي يجب اتباعها من أجل استرجاع الهواتف المسروقة، أوضح المدون أمين رغيب أن « السيد (ملولي) كايهضر فشي حوايج لاعلاقة وكاتبين ان هاد السيد مامعتمد على حتى مصدر من الشرطة العلمية و التقنية لانو إلا كان بالفعل عتامد عليهوم فهاد المعلومات ماكانش إحط مجموعة من المغالطات ». « اولا هاد السيد هضر على الشرطة التقنية وشبهها ب (ANRT) حيث قال : « ملي كتخدم اي نمرة فالتيليفون راه اتوماتيكياً كتعرف عند الشرطة التقنية او (ANRT) ، يقول رغيب موضحا: « وهادي مغالطة كبيره الشرطة التقنية شيئ و الوكالة الوطنية لتقنين الإتصال شيئ آخر ». وأضاف صاحب مدونة « المحترف » في تدوينة على فيسبوك: « الدور ديال الوكالة الوطنية ماشي هو تعقب الهواتف ويلا اي مواطن دخل للموقع الرسمي لهاد الوكالة ومشا كليكا على المهام غادي لقا بينما ماكينا حتا علاقة فهادشي لي قال السيد .الوكالة ومن خلال الاسم ديالها تقنن الإتصالات فقط ولاعلاقة لها مع التعقب او التجسس … « . وكشف رغيب أن « عملية التعقب وتتبع كاتكون على مستوى شركة الإتصال بحد ذاتها ولكن هادشي ماكايعنيش انو الشرطة التقنية والعلمية مميكنش ليها كذلك التعقب الهواتف إما عن طريق التعاون مع شركات الإتصال او بإستعمال تقنيات خاصة بها ولكن كاتبقى محدودة إلى حد ما « . وأشار رغيب أنه « لوكان هاد القاضية متاحة ڭاع ماتلقا المكتب الفيديرالي FBI كايدابز باش إفك شفرة الايفون وكاتسمع فضائح ال NSA اناهوم عندهوم علاقة مشبوهة مع شركات الإتصال ( هادو ميريكان الله يرحم الواليدين « . المغالطة الثانية لي عند المغاربة، بحسب رغيب، ولي حتى السيد هشام وقع فيها مع الاسف : ادين تقولوا كيفاش عرفوا النمرة جرب تركب فالتليفون ديالك (#06#*)، غادي يطلع ليك واحد الرقم سميتوا الايمي ، هاد الرقم لي طلع ليك عندك نتا بوحدك فالعالم كامل او ميمكنش يتبدل .. لحد الساعة تفاهمنا ، مزيان ». واعتبر رغيب أن ملولي ارتكب خطأ كبيرا حينما قال أن الرقم التسلسلي للهاتف لا يتغير ، موضحا أن « هاد الرقم اولا بالفعل هو كيعرف الهاتف وكايكون إونييك ولكن ممكن إتبدل بحال مثلا ملي كاتدير ديكوداج لتليفون ، نمشيو اعمق مثلا هواتف السامسونغ راه كاين جهاز سميتو SPT box . وهناك عدة اجهزة …« . وختم رغيب تدوينته قائلا: « يعني المغاربة ماتمشيوش غالطين انا براسي لا مشا ليا تيليفون غادي نديكلاري ولكن مغاديش نكون متأكد 100% غادي رجع فقط لانو عندي الايمي . هادشي لي كاين وكانستغل هاد الستاتو باش نسلم على سي هشام ونقوليه تبارك الله عليك في تدخلاتك الامنية ، حفضك الله » .
