الفرقة الوطنية ديال البوليس طارو ببارون المخدرات "حمدون" بالجديدة بطل أوديو فرش فيه مسؤولين ومنتخبين عاطيهم ملايين صحاح والتحقيقات غادي طيح كل المتورطين

كشفات مصادر "كود " ان عناصر من الفرقة الوطنية لشرطة القضائية بكازا اجرت اليوم الجمعة تفتيش بمجموعة من الاماكن باقليم الجديدة ،والتي يشتبه فيها انها كانت تتخزن فيها المخدرات قبل من تهرب الى الضفة الاخرى من طرف عصابة البزناز حمدون لي معروف باقليم الجديدة صاحب التسجيل لي دار بشكل كبير فالواتساب ومواقع التواصل الاجتماعي ، واللي تايفرش فيه عدد كبير من شخصيات ومسؤولين ومنتخبين وغيرهم.
المصدر اضاف ان فرقة خاصة من المكتب الوطني لمكافحة المخدرات التابع لفرقة الوطنية ديال البوليس داهم ليلة امس الخميس احد مستودعات ديال تجار المخدرات حمدون بناءًا على مجموعة من الابحاث التقنية والعلمية ضواحي مدينة الجديدة بالضبط بدوار تاركا بجماعة مولاي عبد الله ،حيت تم توقيف رفقة فتاتين وصياد الجميع صوب مقر الفرقة الوطنية بشارع الروداني بكازا من اجل مواصلة البحث معه ،حيت تم وضعه تحت تدابير الحراسة بتعليمات من النيابة العامة المختصة .
واضافت المصادر نفسها ،ان الموقف تحققت معاه الفرقة الرط فملف مساطر المرجعية ولي ذكر اسمه ديالو في محاضر منجزة لأحد المتهمين الموقوفين مؤخرا في ملفات التهريب الدولي للمخدرات عبر سواحل إقليم الجديدة، كما انه غادي عمق معاه البحث بخصوص تسجيل تايقول فيه بلي مسلفهم فلوس صحاح، مسؤولين او منتخبين وتايطلب منهم يرجعو ليه فلوسو، كاين للي مسلفو 400 مليون، ها مول 200 مليون، و50 مليون وزيد وزيد واللائحة طويلة، على حساب التسجيل.
وحسب مصدر "كود" فالقضية مرونة ومقربلة فالجديدة، والفرقة الوطنية غاتستامع لكل واحد تجبدات سميتو فالأوديو، خصوصا المسؤولين الكبار والمنتخبين، باش يعرفو أشنو الخدمات لي كانو تايقدموها لهاد البارون مقابل هاد المبالغ الخيالية. وغادي تبدا حملة اعتقالات لكل واحد تبت أنه متورط فالتعامل في قضايا لها ارتباط بالإجرام أو مخالفة القانون.