لأول مرة: أمير أوحانا رئيس الكنيست الاسرائيلي اللي مثلي ومزوج وعندو وليدات مع راجلو غايجي للبرلمان ويتلاقا الطالبي..استعدادات كبيرة واحراج للإسلاميين والبي بي اس للي رافضين التطبيع البرلماني

أكد مصدر مسؤول بمكتب مجلس النواب في اتصال مع "كود" زيارة رئيس الكنيست الاسرائيلي أمير أوحنا، لمجلس النواب فشهر يونيو المقبل، من أجل وضع إطار للتعاون وتبادل التجارب في مجالات التشريع والترافع والدبلوماسية الموازية.
وقال المصدر ل"كود" بأن رئيس مجلس النواب المغربي رشيد الطالبي العلمي ورئيس الكنيست الاسرائيلي، اتفقو على مضامين الزيارة واللي غاتسالي بتصريحات مهمة واتفاقيات غاتكون فصالح البلاد.
وكانت "هسبريس" أول جريدة خرجات خبر زيارة المسؤول الاسرائيلي لمجلس النواب، مشيرات بأن رئيس الكنيست الاسرائيلي من أصول مغربية.
وتأتي الزيارة في سياق البوليميك لي دار حزب التقدم والاشتراكية فاش قرر ينسحب من لجنة الصداقة البرلمانية المغربية الاسرائيلية، اللي كان فيها عضو، بحيث ان انسحاب البي بي اس جاء قبل أسابيع من هاد الزياررة رغم أن العضوية كانت مدة هادي.
البي جي دي كذلك كان دار بوليميك على عضوية البي بي اس فهاد اللجنة وكيحتج على التطبيع المؤسساتي، واخا هوما لي لولين لي وقعو على اتفاقية التطبيع قدام الملك فاش كان سعد الدين العثماني رئيس للحكومة.
للاشارة اوحانا مثلي وهو وراجلو ألون حداد، عندهم ولد وبنيتة بجوج. وكيعيشو في تل أبيب.
هاد الزيارة غادي دير ضجة وسط البرلمان، بحيث هي أول زيارة لكبير المشرعين فاسرائيل لمجلس النواب.