لقجع كعا على قيادي فالبي جي دي: خليت ليك الفهامة الكبيرة

انتفض فوزي لقجع، الوزير المكلف بالميزانية، على تصرفات قيادي في البي جي دي داخل لجنة المالية، حيثاش كيقاطعو بزاف فاش كيهضر واستفزو فاش قال ليه :"كادير البوليميك".
لقجع كعا وقرر يوقف كلامو اليوم بلجنة المالية أثناء جوابه على أسئلة النواب البرلمانيين بخصوص مشروع الحماية الاجتماعية.
الوزير المكلف بالميزانية مبغاش يكمل هضرتو وقال بلي مبقاش مرتاح باش يجاوب.
ولكن قبل هادشي فاش كان كيهضر الابراهيمي بطريقة ازعجت لقجع، الابراهيمي عطا توضيحات وانتقادات لمشروع الحماية الاجتماعية وكيفاش يتم تمويلو. لدرجة للغوات للي خلا لقجع يقوليه خليت ليك الفهامة الكبيرة.
البرلماني قال للقجع بلي كادير البوليميك، لكن الوزير كعا وقرر يوقف كلمتو.
النواب طلبو من لقجع يكمل لأن موضوع مهم كيتعلق بمستقبل المغاربة وصحتهم.