القصة الكاملة ديال بحار والكلبة ديالو عاشو بلما ديال الشتا والحوت خضر – فيديو

وثق فيديو كيفاش بحار أسترالي ولكلبة ديالو تقطع بيهم لحبل، وشهرين وهما حاصلين في المحيط الهادئ، وقدرو يعتقو راسهم فهاد لمدة بلما ديال شتا لي كانو كيشربوه فاش كيجيهم لعطش، وكياكلو لحوت خضر ملي كيجيهم جوع.
وكالة الأنباء الفرنسية قالت أن تيم شادوك ولكلبة ديالو "بيلا" بداو تبحيرا ديالهم من مدينة لاباز الساحلية المكسيكية فأبريل 2023، وكان خطط من قبل باش يدير مسافة ستآلاف كيلومتر قبل ما يتقطع بيه لحبل فبولينيزيا لفرنساوية.
فلفيديو تيم شادوك كيعاود دكشي لي وقع ليه وأن لماج كانو عالين بزاف، وتسبو ليه فأضرار كبيرة للفلوكة ديالو وتخصرات ليه ݣاع لأجهزة الإلكترونية لي تقدر تنفعو، وغير شي ناس كانو راكبين فمروحية وشافوه وقدرو يعتقوه، وكيقول أنه دابا فصحة جيدة وخاصو غير يرتاح حيت تكرفص بزاف فلبحر.
https://youtube.com/shorts/BwXanOrgriE?feature=share4