ها لاليست ديال الوداد ضد هافيا كوناكري وعلى من معول رمزي باش يربح فغينيا

كونفوكاو الوداد الرياضي كاع اللاعبين المهمين فالفريق باش يلعبو الماتش الجاي ضد هافيا كوناكري الغيني فغينيا، برسم ذهاب الدور التمهدي من عصبة ابطال افريقيا لكرة القدم.
وحدد المدرب عادل رمزي لائحة ودادية مكونة من 24 لاعب لمواجهة هافيا كوناكري الغيني، وفيها كل من لكوال المطيع، مفتاح، بوبكر، والدفاع فيه ابو الفتح، عطية الله، الركراكي، الشتي، العملود، فرحان، ايت برايم، زولا.
وفوسط التيران كاين محروس، سرغات، جبران، اسماعيل المترجي، حيمود، دراوي، والهجوم فيه الهوني، أوناجم، لحتيمي، البحري، بوسفيان، صامبو، بوهرة.
لاليست ديال الوداد الرياضي مازال كيغيب عليها زهير المترجي اللي مبعدو المدرب عادل رمزي من الفريق الاول، ملي رجعو من البطولة العربية فالسعودية، وكذلك المدافع الجديد جمال حركاس اللي مازال ما وجد.
وغيدير الوداد الرياضي أول حصة تدريبية فغينيا هذا العشية، بعدما وصل لها فالساعات الاولى من صباح اليوم الجمعة، باش يبدا يوجد الماتش ضد هافيا كوناكري الاحد الجاي.