بويزكارن: الجوندارم يجيبون عن أسئلة سوسيولوجية

يوم الاحد الفايت كانت اختي الصغيرة اللي يالاه كملت 18 عام ويالاه هادي شهرين باش شادات لاكارطناسيونيال واقفة مع خطيبها، اللي ف عمره ثلاثة وعشرين سنة وعندو موطور فرحان به ..واقفين فوسط مدينة بويزكارن البعيدة عن كلميم باربعين كيلومتر.
واقفين حتى هجمو عليهم اشخاص وبداو بضرب الشاب بينما هي تخلعات و هربات..كانت تظن انهم شفارة او عندهمحساب مع السيد..
اوا من بعد ف نفس النهار، عرفنا باللي هادوك الناس هما عناصر الدرك الملكي اللي يالاه تعينو تما ولكن كانو لابسين لباسمدني.
جاو للدار من بعد وداو الاخت عندهم لمقرهم.
لساعات وهي كتسنا ف واحد قاعة الانتظار.
ثم بعد ذلك جاو عندها وعطاوها ورقة وقالو ليها وقعي عليها والا ماوقعتيش غادي نحبسوك.
وقعات عن خوف وحجزوا بطاقتها الوطنية عندهم وقالو ليها غذا اجي باش تمشي معنا عند وكيل الملك فكلميم.
خطيبها مصاب برضوض ف كل جسده ..قالو ليه نفس الشي..وملي سولوهم على التهمة قالو بلي كان سايق دراجة نارية بدون تأمين.. ثم قالو كان يزعج السكان بصوت الدراجة النارية ديالو..
ماعلينا..
اليوم ف الصباح مشاو معهم تال كلميم.. وتسناو من الثمنية د الصباح ف قبو المحكمة الابتدائية ف انتظار يتقدمو للوكيل.. والعائلتين ماعارفينش التهم ولا شنو واقع.. وماعندهمش نسخ من المحاضر..
كل سؤال من طرفهم كايجاوبو عليه الدركيين باستخفاف: ماكاين والو..
بعد ساعات من الانتظار والملل وبدون مقابلة الوكيل..غادي تعطاهم ورقة استدعاء لجلسة محكمة الشهر الجاي بتهمة الفساد..
الاشكال عندي انا دابا ماشي الاعتداء الجسدي على السيد بملابس مدنية.. وماشي خرق حقوقهم : لا نسخ محضر ولاتوضيحات ولا احترام للمسطرة الجنائية..ماشي اجبارهم على التوقيع .ماشي عدم تقديمهم للوكيل..ماشي تهمة الفساد ف حقشباب صغار تم الاعتداء عليهم ف وسط الشارع وكاميرات المحلات التجارية سجلات كلشي.. ماشي التهمة الداعشية الليمشوهة المغرب وصورته..
الاشكال عندي هو كيفاش رجال درك شباب تاهما يالاه بداو مهنتهم..تاهما خاطبين ولا مصاحبين ..عارفين القانون ومكونين فيه..كيفاش سولت ليهم نفسهم يديرو اساليب ديال سنوات الرصاص مع شباب بحالهم؟ مافهمتش شنو غادي يخسر الدركي الا احترم القانون وخا خدام فقرية صغيرة مافيها مايدار؟
و الا ماقدراتش السلطات القضائية ولا القيادة العامة للدرك تجاوب.. على هاد الاسئلة.. ربما شي عالم اجتماع يقدر يجاوب.. وربما في جوابه نلقاو علاش ماغاديش نمشيو بعيد.