فانتظار القرار النهائي.. وليد الركراكي حاط سفيان رحيمي فاللائحة الأولية د المنتخب المغربي

داخل الدولي المغربي سفيان رحيمي فالتفكير ديال الناخب الوطني وليد الركراكي، ومن المنتظر يعيط له إذا استمر فالتألق ديالو من هنا للمعسكر الجاي د المنتخب المغربي.
وحسب مصادر مطلعة، فسفيان رحيمي نجم العين الإماراتي، كاين فاللائحة الأولية ديال الناخب الوطني وليد الركراكي، ديال اللاعبين اللي غيحسم فالتواجد ديالهم فالمعسكر الجاي للمنتخب الوطني المغربي لمواجهة كل من الكوت ديفوار وديا يوم 14 أكتوبر 2023، ومنتخب ليبيريا فالماتش المؤجل عن إقصائيات كأس كوب دافريك يوم 17 من نفس الشهر.
تألق سفيان رحيمي مع العين الإماراتي بالمستويات اللي كيقدم وآخرها الهدف الواعد اللي ماركا البارح فالبطولة الإماراتية، غيخلي الناخب الوطني وليد الركراكيي يفكر مزيان، خصوصا وأنه عندو بزاف ديال الاختيارات فالهجوم والأجنحة.