الركراكي: انتقال اللاعبين المغاربة للخليج والسعودية ما غيأثرش على الاختيارات ديالي

اكد الناخب الوطني وليد الركراكي ان انتقال اللاعب المغاربة الى الخليج والسعودي ما غاديش يأثر عليه فالاختيارات ديالو فالمنتخب الوطني المغربي، وان الاختيار كيبقى شخصي للاعبين وهو كيشوف النيفو ديالهم فالتيران.
وتحدث الناخب الوطني وليد الركراكي خلال الندوة اللي كتسبق ماتش المغرب وليبيريا، وقال: "الميركاتو عارفينو يالاه تسد وديال السعودية مازال، وشفنا عبد الحميد الصابيري مشى مسلف للسعودية وهذا الشي ما مأثرش فيها حيث عندي تواصل مع اللاعبين بحال أمرابط اللي جا حتى اخر دقيقة، واللاعبين لقاو حاول للمشاكل ديالهم ولقاو فرق حيث هاد العام ماشي ساهل لهم على قبل كوب دافريك يلقاو اندية وراه واخا الجمهور يتقلق ولكن كوب دافريك كيعقد الامور عند الفرق الاوربية".
وزاد كما وليد الركراكي واكد: "عندي واحد لكروب من كاس العالم والثقة فهم وعلاقة مزيانة، باش هما يلقاو حلول، وها رومان سايس لقا حل حتى هو وكنت خايفين عليه، وها هو مشى للشباب السعودي لهاد الحلة ديالو، وهادي حالة شخصية ديال اللعب ماشي ديال الناخب، وانا كنشوف التيران".