تايلور سويفت كاعية على المنشط ديال حفل الكولدن كلوب.. دار عليها نكتة كيحشي ليها الهضرة

مفاتش حفل الكولدن كلوب عاوتاني فميريكان لي تدار السيمانة لي فاتت بلا مينوض الصداع ويدير الروينة بين النجوم، والضحية هاد المرة هي الممثلة والمغنية المشهورة تايلور سويفت.
على حساب مقالت الصحافة فميريكان فتايلور سويفت خرجات كاعية بزاف من الحفل بسباب واحد النكتة قالها المقدم دالحفل، الممثل والكوميدي جو كلوي.
الكوميدي قال فالنكتة ديالو أن "الفرق بين الكولدن كلوب واتحاد الكرة الأمريكي هو أنه عندنا عدد لقطات أقل على تايلور سويفت".
هاد النكتة، خلات تايلور سويفت تحس أنه كيلوح ليها الهضرة، حيت مدات حتى جائزة، وكيلمح للعلاقة ديالها مع لاعب فريق كانساس سيتي تشيفز "ترافيس كيلسي"، لي طايحا معاه ف علاقة غرامية.
ردة الفعل ديال تايلور سويفت دايرة البوز، ولكن حتى المنشط جو كلوي مسكتش وقال أنه "مفهمش كيفاش ممثلة كوميدية بحال تايلور سويفت مكتقبلش النكات".