نظام العسكر داير خدمتو فالطاليان.. برلمانيين بغاو الحكومة الإيطالية تدعم البوليساريو

Elouali.zaz.1987@gmail.com
حرك نظام العسكر اللوبي ديالو فإيطاليا باش يخلي نزاع الصحراء فالواجهة ديال المشهد الإيطالية خاصة بالتزامن مع إنعقاد القمة الإيطالية الأفريقية فالعاصمة روما واللي ما كتشاركش فيها جبهة البوليساريو.
فخضم هاد القمة الإيطالية الأفريقية ناضت مجموعة الصداقة الإيطالية مع جبهة البوليساريو قدمات مقترح برلماني حول نزاع الصحراء واللي كيخدم نظام العسكر وجبهة البوليساريو، على حساب ما قال رئيس هاد المجموعة، ستيفانو فاكاري، مع النائبين أليساندرو باتيلوتشيو وداريو ستيبا كاروتينوتو.
المقترح حسب ما أشاروا أنه كيدعو للحل العاجل ديال نزاع الصحرا بدون تأخير، ولكن خاص يكون رهين ب "تقرير المصير"، بالإضافة لوقف إستغلال المغرب للموارد الطبيعية للمنطقة، مقدما صورة سوداوية عن وضعية حقوق الإنسان فالصحرا، داعيا المنتظم الدولي للتدخل.
وأضاف المتحدثون اللي ما عندهم حتى قاعدة كبيرة فالمشهد السياسي الإيطالي فنفس السياق أن "تقديم اقتراح برلماني لدعم تقرير المصير فالصحرا" غادي يكون إشارة مهمة من إيطاليا، مطالبين وزير الشؤون الخارجية، أنطونيو تاجاني ورئيسة الوزراء جيورجيا ميلوني بإعتماد مطالبهم.
إيطاليا فالمجمل وعلى الرغم من تطور علاقاتها مع نظام العسكر إلا انها بقات محافظة على مسافة بينها وبين نزاع الصحراء وهادشي كيجي توجسا من أية ردة فعل مغربية، بحيث استافدات بشكل واضح من درس توتر العلاقات بين المغرب إسبانيا بسباب النزاع، وأيضا كتشوف ان دول عظمى بحال ميريكان داعمة مبادرة الحكم الذاتي المغربية.