حكيم زياش عطى أسيست فماتش گلطة سراي وقلبو النتيجة على قاسم باشا

بدا كيرجع الدولي المغربي حكيم زياش يلعب شويا بشويا، وساهم اليوم الاحد فالرباح اللي حقق الفريق ديالو گلطة سراي التركي، قبل ما يشد الطريق ويجي للمنتخب المغربي.
حكيم زياش كان احتياطي فماتش گلطة سراي ضد قاسم باشا ضمن منافسات البطولة التركية، ودخل فالدقيقة 74، وعطى الأسيست ديال الهدف الثالث ديال التعادل لگلطة سراي اللي ماركاه ماورو إيكادي فالدقيقة 83، ومن وراها قدرو گلطة سراي يماركيو هدف الرباح عن طريق كارلوس فينيسيوس فالدقيقة 90، وربحو الماتش بنتيجة 4 مقابل 3.
وغيجي حكيم زياش للمنتخب المغربي بعد هذا الماتش، باش يلعب مع الأسود 2 ماتشات وديين الاول ضد أنگولا يوم 22 مارس والثاني يوم 26 من نفس الشهر.