بسبب الصراعات الداخلية.. يوسفية برشيد ما لقاوش باش يديبلاصاو لفاس ويباتو فلوطيل حتى تدخل العامل

ما قدرشو يوسفية برشيد يسافرو بشكل طبعي لمدينة فاس باش يلعبو ضد فريق المغرب الفاسي اليوم السبت، برسم الدورة 25 من البطولة الاحترافية لكرة القدم، حيث الفريق ما لقاش فين يبات بسبب الصراعات الداخلية اللي عندو بين المسيريين ديالو، وتسناو حتى تدخل العامل والباشا باش يحلو المشكل.
وتعذر على يوسفية برشيد التنقل البارح الجمعة إلى مدينة فاس بكري والمبيت بفندق مصنف كيفما كيدير فجميع تنقلاتو خارج المدينة، والفريق ما شد الطريق بالحافلة حتى لمساء البارح الجمعة فساعة متأخرة.
والسبب وراء هذا الشي اللي ليوسفية برشيد حسب ما النادي، هو امتناع رئيس الجمعية الرياضية يوسفية برشيد فتح الله المدني عن صرف مبالغ التنقل و كذا منح الفوز كما تنص عليها الشراكة الموقعة بين الشركة ديال النادي و الجمعية ديالو، وهذا الشي رغم توصل الجمعية بمبلغ مليوني درهم من المجلس البلدي لبرشيد حسب ما أكد النادي.
وتدخل العامل ديال برشيد، باش حل مشكل تنقل يوسفية برشيد لمدينة فاس هو الباشا ديال مدينة برشيد بتنسيق مع نور الدين البيضي رئيس الشركة الرياضية ومبلغ التنقل و المبيت فالفدق تخلص عن طريق شيك للجمعية الرياضية.