شركة طيران جديدة غتفتح فالمغرب ومقرها غادي يكون فالداخلة

Ellouali.zaz.1987@gmail.com
كشفات "مغرب أنتيليجنس" أن مستثمرين مغاربة وأجانب كيوجدوا باش يفتحو شركة طيران جديدة فالمغرب.
وقال المصدر، أن هاد الشركة غادي يكون مقرها فمطار مدينة الداخلة وغادي تخدم مجموعة من الخطوط الجوية الداخلية، بالإضافة لتسييرها لرحلات جوية لأوروبا.
وأضاف المصدر، أن الشركة اللي سميتها Air Oasis غادي تدخل السوق ديال الرحلات الجوية المتوسطة وكذلك المحلية، موضحا أن الشركة الجديدة رصدات لهادشي طيارات لا تزيد سعتها عن 180 مقعداً بحال Embraer 195-أو Embraer 190-E2 أو Embraer ERJ-145 أو حتى الإيرباص A220 وA320.
وكشف المصدر، أن سوق النقل الجوي فالمغرب حقق نمو كبير فالسنوات الأخيرة ودينامية واضحة بسباب الشعبية اللي حظيت به المملكة المغربية سياحيا وكذلك بسباب الحضور القوي للمغاربة فالخارج، لاسيما فأوروبا، بالإضافة لتنظيم المملكة المغربية لكأس العالم لكرة القدم سنة 2030.
وختم المصدر، أن سوق النقل الجوي فالمغرب كاين فيه دابا الخطوط الملكية المغربية (RAM)، ثم شركة العربية للطيران، فضلا عن شركة Ryanair الأيرلندية التي تتمتع أيضًا بموقع قوي في السوق المغربية