مريم بنصالح ل"كود": انا كد لساني كد دراعي ومحاربة الفساد ماشي غير مسؤولية الباطرونا راها مسؤولية الجميع وهذا ردي على كريم التازي=فيديو=

"كود": واش غادين تبقاو فالباطرونا دارين ما كال رجل الاعمال كريم التازي "ترفح وسد فمك"؟
انا ما ساداش فمي، عندي غير شرح وملح. وانا كد لساني كد ذراعي
"كود": كيفاش غادية ديري مع الصورة السلبية اللي عند الباطرونا عند الناس وهما اللي ما كيخلصوش الضرائب وكيرشيوا وزيد وزيد؟
الباطرونا متضررة من هاد الصورة، وحنا غاديين نتعاملو مع اللي كيطبق القانون، غادي نخدم مع اللي باعي يزيد القدام.
"كود": الحكومة تتحدث عن محاربة الفساد، فما رأيكم كالباطرونا لان هناك من يؤكد ان الفساد منتشر عند رجال الاعمال؟
محاربة الرشوة والفساد مسؤولية الجميع راه كاين الراشي والمرتشي، الفساد راه كيعطل التنمية وراه تلوث اجتماعي، هناك رغبة عند الجميع لمحاربة الفساد
راه الباطرونا فيها ناس دايرين فلوسهم من الحلال وعرق كتافهم
"كود": كيف كان اللقاء مع الملك وكم استمر؟
اللقاء كان مزيان ما حسبتش الوقت، سيدنا كيدافع على المرأة وعلى حقوقها وهنأني على الثقة ديال رجال الاعمال في
"كود": هناك اصوات طالبت الملك بترك التجارة والاستثمار والاقتصار على الحكم من خلال مقولة فصل السلطة عن الثروة، لكننا لم نسمع رأي الباطرونا في هذا الموضوع؟
اولا حنا فبلاد حرة اللي بغى يستثمر يستثمر، ثانيا ملوك المغرب على مر التاريخ كانوا كيستثمروا فالاقتصاد، وكموقف شخصي لا اجد مشكلا في هذا.
حنا =مجموعة اولماركوم= منافسين مع الهولدينك الملكي، خاصة في المياه والصناعة الغذائية ونؤكد ليك باللي ما عمرو كانو عندنا مشاكل