حمدي ولد الرشيد ل"كود": اصحاب الجمهورية الصحراوية خدَّامين ليل نهار أو هاد السرطان خاصو علاج كيماوي آني هو الحكم الذاتي وهذا ما أخبرت به الصحافيات الأمريكيات

كود: التقيتم هذا الصباح بالوفد الصحافي الامريكي البريطاني كيف كان اللقاء؟
اللقاء كان نص نص. فيه شذ وجذب

كيف؟
بانوا لي بوليساريو مائة في المائة. كيدافعو على اطروحتهم وگلنا ليهم خاصكم تعرفو باللي حنا صحراويين وخاصكم تعرفو وجهة نظرنا
ثم قدمنا لهم صورهم في المظاهرات مع اميناتو حيدار. تفاجئوا واصيبوا بالذهول. ما كانش على بالهم باللي عندنا صور بيهم. قدمنا لهم صور الاعتداء ضد رجال الامن. من بعد كلشي هاد الشي عاد بردوا شوية

"كود": السي حمدي لعيون فيها أحداث هادي ايام، شكون اللي محرك هاد الشي؟
وراكم انتوما عارفين. هاد الشي ما يمكن يوقف إلا بتطبيق مشروع الحكم الذاتي. خاصو يكون باش يكون عندنا حنا شي حاجة باش تجاوبو هادو اللي كيخرجو للشارع

"