مضاربة بين كبار لملايرية فالمغرب. العلمي الوزير غاضب على بنصالح الباطرونا وها علاش: مكتب للدراسات ربح من وزارة الصناعة مليار و700 مليون هو اللي خدم مع الباطرونا ودا منها 400 مليون

يبدو ان تقديم الباطرونا لمائة توصية للنهوض بالقطاع الصناعي يوم الجمعة الماضي ما غاديش يدوز بخير، مصادر "كود" تحدثت عن "حيحة كبيرة" دارها حفيظ العلمي وزير الصناعة والتجارة والتكنلوجيات الحديثة في نفس اليوم للباطرونا "الوزير تقلق على اللي دار الدراسة. ما كال غير المعقول. السيد خدم مع الوزارة ايام كان فيها الشامي اكثر من 4 سنين ومشى كيخدم مع الباطرونا هاد الشي فيه تداخل المصالح وحشومة بزاف يدار" يوضح مصدر ل"كود"
ينضاف الى ذلك رفض العلمي والحكومة فكرة التسويق للدراسة ستة ايام قبل عرض مشروع متكامل اعدته وزارته لاقلاع صناعي ما بين 2014 و2020 والذي سيقدم يوم الاربعاء المقبل بالبيضاء امام الملك "راهم ما كانوش دايرين ندوة صحافية غير سمعو هاد الشي غادي يتقدم قدام الملك وهما يعرضو على الصحافة وهاد الشي ما خاصوش يدار" يوضح مصدر مقرب من حفيظ العلمي
كما سبق ان نشرت "كود" في مقال سابق٫ فان مكتب الدراسات فاليانس لصاحبه محسن الجزولي عمل مع الوزارة قبل مرحلة العلمي ونال صفقات قيمتها مليار و720 مليون وهو نفس مكتب الدراسة الذي نال صفقة الباطرونا البالغة قرابة 400 مليون سنتيم