‎محمد أمين الصبيحي وزير الثقافة في دردشة ل "كود": أول يوم صمته في حياتي عشت فيه عريس وأنسى نفسي داخل العمل قبل الإفطار ولي بغا يتهلى في فالفطور يطيب لي طاجين بالكفتة كواري أولى بالفريت

كود: أش نا هي ذكرياتك مع رمضان أول مرة صمتي والهدية اللي خديتي؟
هناك طقوس خاصة في سلا بمناسبة صيام الولد أو البنت، يقام حفل خاص بمكان خاص داخل البيت. أنا في ذلك اليوم كنت بحال العريس، كنت لابس الجلابة. من بعد الفطور جابوا ليا العسل كنت كالس في غرفة اسمه ''المحكمة"، حيث كل غرفة في البيت جدي حيث كان باشة لها اسم.
كود: واش سبق ليكك ترمضنتي على شي واحد خلال شهر الصيام؟
لي لحظت أن داك الترمضين شيئا ما تقلص، مبقاش دبا بزاف.
كود: فاش كدوز الوقت باش تجيب الفطور، وبعد وجبة الإفطار آش كادير؟
غالب الأحيان في العمل إلا ما كانتش الدروس الحسنية من بعد الخامسة أعود للمنزل، أو كنفوت الخامسة في العمل بعض الأحيان حتى كينبهوني. من بعد الإفطار لي كنفطروه جماعتا في بيت العائلة الكبيرة في سلا كنمشي التراويح مع الناس ديال الحومة في الجامع صغير ساعة ديال الترويح، كنرجع المنزل ديالي في الرباط قهوة أولا تلفاز ورأيت الأصدقاء.
كود: شناهوما الشهيوات لي كتبغيهم يكونوا حاضرين في مائدة الإفطار؟
أنا دوق ديالي في الأكل جد بسيط الحريرة إلزامية. جوج طواجن الكفتة أو الفريت إلا بغيتي تهالا فيا ديرهم ليا. هذا الشهر العظيم فيه يجمع الأسر.