زينب الغزوي الصحافية المغربية في شارلي ايبدو ل"كود": غادين نخرجو عدد الاربعاء المقبل وهاد المجرمين ما غادين يوقفو المجلة وواحد من القتالة خشى كالاش ففم صديقتي سيكولين وكال ليها قراي القران ما غاديش نقتلوك لانك مرا

تسافر في هذه الاثناء الصحافية زينب الغزوي الى باريس للانضمام الى هيئة تحرير "شارلي ايبدو". الصحافية قالت ل"كود" قبل ركوب الطائرة من مطار محمد الخامس بالبيضاء "غادية نكون معاهم ونحاولو نديرو عدد يخرج الاربعاء المقبل". وكان تقرر ان يتم تحدي الهجوم الارهابي الذي قتل 12 شخصا بمقر الجريدة غالبيتهم صحافيين، والاستمرار في اصدار الصحيفة الساخرة. صحف فرنسية شهيرة قررت ان تقدم كل الدعم لهذه الغاية.
وقالت لغزوي ل"كود" ان العدد المقبل من "شارلي ايبدو" سيكون عبارة عن شهادات تضامن ورسوم لهذا الفاجعة، مذكرة "ايلى كان هاد الشي كيدار باسم الدين من الاحسن يكون الواحد ملحد". الصحافية التي مازالت تحت وقع الصدمة كانت تتواجد بالبيضاء حين قيام الارهابيين بعملهم الشنيع، كشفت ل"كود" ان زميلتها في المجلة سيكولين اتصلت بها امس الاربعاء واخبرتها ان احد القتلة وضع كالاشنيكوف في فمها وكال ليها "ما غاديش نقتلك حقاش انتي مرا وخاصك تقراي القرآن". سيكولين التي عاينت المجزرة تعيش صدمة كبيرة.
الصحافية المغربية المتخصصة في علم الاديان المقارن قالت ل"كود" "راني ما مصدقاش هاد الشي اللي وقع. ما مصدقاش باللي شارب تقتل ما مصدقاش بللي هاد الشي اللي دارو المجرمين داروه باسم الدين".وحول ما اذا كانت تخشى على حياتها، قالت الغزوي ل"كود" "ما عارفاش مخطط هادو فين غادي يوصل. انا خبرت السلطات وغادين يتلقاو لي فالمطار وغادية تكون عندي حراسة طيلة اقامتي بباريس بحالي بحال باقي صحافيي المجلة اللي مازالو حيين".