"ضيف الاولى" وتيجيني وبكوري نعسو المشاهدين ودارو حلقة عيانة بزاف. فضيحتنا ولينا كنحنو لمصطفى العلوي مسقط الطائرات وكيفاش طاح تيجيني من السقف وولى منشط فالاولى

يبدو ان المشرفين على "الاولى" يعملون بكل ما في وسعهم باش يجريو على العدد القليل بزاف ديال المشاهدين. اخر هذا الخدمة برنامج "ضيف الاولى" اللي دازت حلقة ثانية منو ليلة امس الثلاثاء على "الاولى" لصاحبه تيجيني، شكون هو من بعد نهدرو على هاد الشي. الحلقة جابت ضيف مصطفى بكوري الامين العام لحزب الاصالة والمعاصرة ومعاه 3 صحافيين.ذ
هاد الشي سبق لينا شفناه، يعني هاد تيجيني اللي جابتو "الاولى" من بلجيكا باش يعاود برنامج وينقلو حرفيا من برنامج مصطفى العلوي التصور: ضيف مع ثلاثة صحافيين. الفرق لكبير هو انه مع مصطفى العلوي كانت لقفوزية ديال الصحافي وكانت الاسئلة المستفزة والمثيرة وكان الاعداد.
حسب صحافي حضر برنامج امس ل"كود" "راه ما كان لا اعداد ولا تنسيق. كان اتصال وحديث بشكل فضفاض على 3 محاور ومن بعد دخلنا وتخربق كلشي. حشمت نحضر لهاد البرنامج الضعيف" يشرح مصدر "كود".
اللي ضعف الحلقة بزاف بزاف هو مصطفى بكوري. مرة اخرى بين انه ضريف ولكن ماشي سياسي ولا كيدير السياسة اللي غادية تهرب الناس لقلال بزاف اللي كيهتمو بيه.
نرجعو لتيجيني. السيد كيجي جوجت المرات فالشهر باش يقدم البرنامج /مرة ف15 يوم/ باش ياخذ 50 الف درهم. السيد كان عندو برنامج كيدوز نهار الاحد وفشل فجلب نسبة مشاهدين كثيرة ومع ذلك جابوه. عندو شي فقيه صحيح هادا