تقتلو اليوم 93 واحد من قبل ارهاب داعش: الديفو فيهم ولا فينا: ايلى كنتو مقتانعين بان ما وقع ماشي باسم الاسلام علاش ما تخرجوش فمظاهرة كيفما درتو على سهرة ولا فيلم

شوف اصاحبي..كاين واحد الحاجة سميتها المنطق..مثلا الساطة ديالك او مراتك ..تخيل وقتما خرجتي انت واياها للزنقة ،كيجي واحد الساط تيقول ليك :مراتك خيبة ونفيها كبير ورجليها عوجين…الخ وتيمشي بحالو! وتخيل عاوتاني شي نهار كنتي غادي مع مراتك تدورو فالطبيعة ، وجا شي ساط اخر وشد مراتك واغتصبها صحة! هنا جوج حوايج..المنطق اش تيقول..
ان الفعل التاني اسوء من الفعل الاول ، يعني ان الشخص الاول ،وبما انك تتعتقد ان مرتك زوينة، مغتسوقوش وغتخليه يغوت تيعيا ويمشي فحالو، اما الحالة التانية غتخليك تعربط وتدافع على مراتك بكل ما منحت من قوة! اما اشنهوا لي ماشي منطقي؟ هو انك تشد الساط لي تيعيب فمراتك تقتلو، اما لي اغتصبها تتغمض عينيك ودير بحال الى مشفتي والو! متافق معايا ياك؟ فكما يقول القانون الفزيائي :لكل فعل رد فعل معاكس له ومساوي في القوة! اوك جيد..
وراك للاسف تكون غير منطقي ملي تيجي شخص مثلا يقوم بعمل سنمائي او ادبي ..يتنقد الاسلام ..تتكعا وتتبغي تقتلو وتتخرج فمظاهرات وتغضب وتقدر تقتل..ولكن ملي تيجي واحد اخر ويغتصب دينك، ويقتل بإسمه ويرهب الناس الابرياء..تغض الطرف وتضرب الطم !كاين بروبليم واقيلا؟ مثلا عوض مدير "نو بيكيني" ونوض دابا دير "نو ارهاب اسلامي"!
وبما انك تؤمن ان الجماعات الاسلامية لا تمثل الاسلام ، بل تمثل آلاميرة والاقزام السبعة، نوض اخويا ،ندد بمن يشوهون دينك..اخرج في مظاهرات ،قاطع السعودية وقطر اللذان يدعمان الارهاب..دير شي لعبة..برهن على كونك معجباكش الحال ، ماشي تقول داعش صناعة امريكية، ومعمرك سولت راسك علش امريكا لاتصنع جماعات ارهابية من البوذية والهندوسية، ولماذا اتباع هاته الديانات لايقرؤون نصوصهم بشكل مغلوط ،يجعلهم ينفجرون في كل مكان، واخا السيدي بلا مدير نقد ذاتي وتسول هاته الاسئلة..واخا ياسيدي نمشو معاك داعش صناعة امريكية ومتيعرفوش يقراو النصوص..لما تفرح بما يقمون به في قرارة نفسك، وتلصق التهمة بالغرب وامريكا ؟لماذا لاتغضب وانت تشاهد اغتصاب وشيطنة دينك امام العالم ؟كعا..نوض تضامن مع الضحايا لي ماتو..دير اي لعبة..بروبليم ديال La logique