آش واقع فالترانات؟ من نهار العيد والروطارات كاينين، لا شفقة ولا رحمة بالمسافرين، هذا الصيف يا حسرة! ولخليع شنو خدمتو؟

كما سبق وأن نشرت گود فالتأخيرات على مستوى قطارات المكتب الوطني للسكك الحديدية تحطم الأرقام هذا الصيف، اليوم عاوتاني الروطار فات الساعة خصوصا في الخطوط الطويلة مراكش فاس مثلا، أما الترانات حالتهم فرانات متنقلة بل حمامات ساخنة لا تبريد ولا هم يحزنون، ويتساءل المسافرون عن المسؤول عن هذه الحقارة التي يتعرضون لها يوميا، واش ربيع لخليع معندو لي يراقبو؟ واش المواطنين حشرات؟ واش حنا شعب ولا غابة، حتا يديروا فينا هادشي؟ هذا فقط جزء من تصريحات بعض المواطنين الذين عبروا عن غضبهم لحالهم المزري بمحطة البيضاء المسافرين بعد زوال اليوم.
هادي يومين اوضح بيان للمكتب الوطني للسكك الحديدية توصلت به "كود" ان تآخير القطارات بين فاس والبيضاء كان بسبب تخصيص قطار لنقل عدد كبير من الاطفال الى المخيمات وان ذلك تطلب وقتا طويلا كي يركبو القطار، واليوم اش وقع علاش هاد التأخير؟