قيادي من البام ل"كود": كلشي خان كلشي فانتخابات رئاسة مجلس المستشارين وصوتو علينا جوج ديال البي جي دي وصوتو ناسنا على قيوح وصوتو استقلاليين على بنشماش وتجمعي اختار الاستقلال

قال قيادي في حزب الاصالة والمعاصرة ل"كود" ان الحديث عن تصويت كافة مرشحي احزاب الاغلبية على حكيم بنشماش /التجمع الوطني للاحرار والحركة الشعبية ب18 صوتا / وعلى عبد الصمد قيوح / العدالة والتنمية والتقدم والاشتراكية 18 صوت بجوجهم/ خلال رئاسة مجلس المستشارين اول امس الثلاثاء غير مضبوط. وقال القيادي ل"كود" ما لم يفهمه الكثيرون ان زيارة الامين العام لكافة الاحزاب خاصة العدالة والتنمية والتقدم والاشتراكية ولقاء الامينين العامين كان هدفه هو "حنا جينا عندكم ودابا راه ممكن نتصلو بكل عضو من اعضاءكم باش يصوتو على مرشحنا".
حسب القيادي نفسه ل"كود" فان مستشارين من حزب العدالة والتنمية صوتا على حكيم بنشماش "ما غاديش نكولو شكون ولكن عندي اليقين باللي جوج صوتو على حكيم"، كما اكد "اييه كاين ناس من البام صوتو على قيوح وناس من الاستقلال صوتو على بنشماش وكاين تجمعيين على الاقل جوج صوتو على مرشح حزب الاستقلال".
القيادي فسر هذا الامر بان الحملة لاول مرة كانت مفتوحة اي كل امين عام وكل قيادة حزب يمكن ان تتصل بمستشار لاقناعه بهذا المرشح او غيره.
غير ان قياديا في "العدالة والتنمية" اعتبر هذا الامر مجرد "ادعاءات" وقال ل"كود" "حنا متأكدين مللي 18 من حزبنا صوتو على قيوح وهادي غير محاولة باش يورطو كلشي الاحزاب ويرجعوهم بحال بحال. حنا رجال وصحاب الاستقلال كالوها ما يمكنش ما نوفوش بالكلمة".