واش صحاب العدالة والتنمية مشاو يتساراو فجنوب افريقيا. بوانو: اللي تكتب كذب في كذب وخدمنا مزيان لبلادنا وصحافي "ليكونوميست": انا مهني نقلت ما شاهدت والكسال دار الرياضة ببلغة

واش "ليكونوميست" كذبات على رؤساء مجالس بلدية ل"العدالة والتنمية" منهم عمدات مكناس وفاس والدار البيضاء …. باش كتبات انهم كانوا كيتساراو فمؤتمر قاري للمدن بجوهانسبورك بجنوب افريقيا؟ "داك الشي كذب فكذب" يؤكد عبد الله بوانو عمدة مكناس ورئيس فريق العدالة والتنمية في مجلس النواب ل"كود" من جنوب افريقيا. بوانو قال ان هناك ضغوطات مورست على الصحافي كي ينشر ما نشر "في العدد السابق لما نشره كتب بشكل ايجابي وفي اليوم الموالي كتب معطيات كاذبة" يشرح بوانو ل"كود". الصحافي يونس العلمي اللي غطى الحدث ل"ليكونوميست" استغرب في تصريحه ل"كود" وصف ربورطاجه بالكاذب "الله يا ودي تكتب عليهم مزيان صادق وتكتب عليهم اللي شفتيه تولي كاذب". الصحافي قال ل"كود" انه كان في المؤتمر وانه انهى علمه قرابة الساعة الرابعة وخرج لتناول وجبة الغداء رفقة صحافي من "الاخبار" ليفاجأ ببعثة العدالة والتنمية تتجول في "مول يحمل اسم نيسلون مانديلا" واضاف ان "الاخبار" حتى هي نشرت الخبر.
بوانو اكد ل"كود" انه انهى اجتماعات رفقة اعضاء اخرين وانهم ما كانوش كيتقضاو بل المول كاين فقصر المؤتمرات اللي فيها النشاط.
بوانو تحدث ل"كود" ان اعضاء البي جي دي اشتغلوا كثيرا "حتى اليوم سالا كلشي عاد خرجنا. كنبقاو من الصباح حتى الليل ويتكتب بحال هاد الشي باش يسيء للحزب". عمدة مكناس قال ل"كود"شكون جلس مع الحزب الحاكم قبل التصويت ومع شخصيات مهمة جدا. حنا جينا من اجل بلادنا وساهمنا بحال الجميع من اجل بلادنا كوزراء كمسؤولين وما تحقق ساهم فيه الجميع وكنا جزء من هاد الجميع".
العلمي صحافي ليكونوميست" اكد ل"كود" انه قام بعمله المهني وانه لم يكن متحيزا لا للبام ولا لاي شيء اخر وانه صحافي معروف بمهنيته "كاملين اصدقاء وكتعامل بحياد ومهنية. دارو شي حاجة مزيانة انقل الواقع دارو شي حاجة سلبية انقلها" يوضح ل"كود" قبل ان يضيف ان ما كتبه عن ممارسة رئيس جهة الرباط السكال عبد الصمد للرياضة في الفندق ببلغة نقلها له الياس العماري رئيس جهة طنجة تطوان واللي حتى هو كان كيمارس الرياضة