التطرف والاقصاء كينبت بارقى احياء كازا. نايضين ضد محل لبيع الخمور في حي عدد كبير من سكانه اجانب

دواعش واصحاب الفكر الرجعي موجودين فكل الاحياء حتى فارقى احياء الدار البيضاء. هاد الايام شي وحدين ساكنين فاقامة "الفنون" فتقاطع زنقتي ابو القاسم الشابي وحافظ ابراهيم حي كوتيي بالبيضاء وهم اقلية دابا نايضين كاليك عمدة الدار البيضاء رخص لمحل لبيع المشروبات الكحولية في محل اسفل العمارة وبعيد بخطوات فقط عن مقر الفرقة الوطنية للشرطة القضائية بشارع الروداني بالبيضاء.
دابا هما باغيين يمنعو بيع الكحول في حي فيه نسبة من الاجانب يقطنونه كما انهم يسوقون معطيات خاطئة لانه ماشي العمدة اللي كيعطي الرخص راه الولاية وسلطاتها.
اجيو نشوفو اش مبرراتهم. كيكولو يا سيدي باللي غادية تولي عمارتهم ملجأ للمشردين. طبعا هاد الشي مردود عليه لانه بالحي نفسه عدد من المحلات وما كاين حتى مشرد او ما شابهه فيها.
هادو محركهم شي وحدين ودافعينهم ولكن ما عندهمش باش يقنعو الناس. هاد الاقامة عارفة بانه يستحيل يكونو حداها المنحرفين لان ولاية الامن وكوميسارية الروداني بجوج قراب بزاف ونايضين باغيين يشدو فالعمدة لانه من حزب اسلامي. تدعاش كيبدا بحال هاكا غدا يطالبو بشي حاجة اخرى وهاد الشي دايراه اقلية قليلة وكتسمح لراسها تتكلم باسم الاغلبية