كيفاش رجعات مرات الكتاني مول "التجاري وفا" لمغاربة اقل قيمة من لكلاب. معطيات جديدة على فضيحتها باش اللي طلعات كلب كبير ل"بيزنس كلاص وكلا وشرب. مصدر ل"كود": كان فالطائرة احد افراد العائلة الملكية وحشم وهي ضارت فكلشي =فيديو

حصلت "كود" على معطيات جديدة بخصوص فضيحة دارتها زوجة محمد الكتاني الرئيس المدير العام ل"التجاري وفا" على رحلة السبت الماضي 30 يناير 2016 من الدار البيضاء الى نيويورك على متن بوينغ 787 "دريم لاينر". راس السوق ديال لارام.
حسب مصدر "كود" فان هذه السيدة احتاقرات كلشي "اولا الكلب اللي طلعاتو كبير وما فيهش 5 كلغ او اقل كما ينص القانون" يقول احد الركاب ل"كود" "شوفو غير الفيديو اللي نشراتو "كود" البارح وغادي يبان ليكم باللي فيه اكثر بزاف من 5 كل" الامر الثاني يضيفه الراكب ل"كود" "السيدة دخلاتو ويمكن صحاب "لارام" خافو منها وما هضروهاش. وفالطائرة خرجاتو يتسارى وياكل معاها. حسينا بالحكرة باش شفنا هاداك المنظر" يضيف مصدر "كود".
حسب مصدر "كود" وخلافا ما قيل في البداية فان زوجة محمد الكتاني ما داتهاش فطاقم لارام "جاو عندها وكالو ليها حيدي كلبك ورجعيه فين كان، اكتشفو انه كان فصاك ماشي فبلاصة ديالو. ما بغاتش وبقاو معاها عاد قبلات" يشرح مصدر ل"كود".
حسب معطيات حصلت عليها "كود" فان احدى افراد العائلة الملكية كانت على متن نفس الرحلة "السيدة شافت هاداك المنظر حشمات ومرات الكتاني زادت فبسالتها