الخيخ كان مغلغل فالادارة العامة للامن الوطني: كيفاش ادارات البوليس كانت مقولبة الشرطة. فلوس العيد غير بدعة باش يدركو فضايح وشوفو الارقام

احتجاجات رجال الشرطة على حرمانهم من ثمن الاضحى طلعات خاوية. اولا حقاش الموظفين في القطاع العمومي كلو بما فيهم البوليس ما كاين حتى حاجة اسمها تعويض اضحية العيد" يقول مصدر ل"كود". وعلاش محتجين اذن؟ "كانوا كياخذو شي فلوس وقت العيد لكبير هي فالحسابات المالية للمديرية ماشي ديال العيد ولكن ديال تعويض الموظفين والشرطة على النقل وتعويضات اخرى وعوض ياخدوها فوقتها كيخليوها وقت العيد ويوزعو شي حاجة منها على البوليس" يشرح مصدر "كود".
بمعنى ان هاداك التعويض ماشي غير ماشي قانوني بل كيظلم البوليس؟ "اييه شوف هاد الارقام وكلشي غادي يبان ليك" يشرح مصدر "كود".
حسب وثيقة حصلت عليها "كود" فان الادارة العامة للأمن الوطني ومنذ ان شرع عبد اللطيف الحموشي في الاشراف عليها وقفت على اختلالات مالية كبيرة جدا. كان الهم الاول حسب مصدر "كود" هو تصفية تلك الديون التي تعود لسنوات 2012 و2013 و2014. حجم الديون وصل الى 135027237 درهم.
تتتوزع الديون٬ وفق مصدر "كود" ما بين المصاريف الماء والكهرباء 25 مليون درهم ومصاريف الصيانة واصلاح السيارات وباقي المركبات 33967671 درهم واقتناء المحروقات 35605302 درهم وتنقلات البوليس داخل المغرب 28958949 درهم واداء مستحقات فواتر المزودين 11495315 درهم
بمعنى ان البوليس اللي كيتنقل وكيخدم كان مقولب بزاف وعوض يطلع ليه فالعام الفين او 3 الاف او اكثر بكثير كياخد فالعيد 400 ولا حتى الف. وهادوك لفلوس لخراين فين مشاو؟ ايوا على هاد الحساب خاص احالة الملف على القضاء راها ادارة عمومية هادي