سكوب. حقائق صادمة على فيديو طلبة الاخوين عن البريزيرفاتيف المصور في الاولى: ها كيفاش قولبات 2 طالبات /اميرات/ كلشي وها اللي سمح ليهم يدخلو للتلفزيون يوم عطلة وها اللي خاصو يتحاسب: لعرايشي /فيديو

توصلت "كود" بمعطيات حصرية عن تداعيات ما اصبح يعرف بفضيحة فيديو لطالبتين من الاخوين كانتا اعدتاه في اطار درس حول الاشهار في الجامعة. واوضح تقني يعمل في التلفزيون المغربي ان الفيديو سجل بالفعل في قسم الاخبار ب"الاولى" لكنه كشف معطيات صادمة "نهار الاحد 27 ابريل كانت حركة غير عادية ب"الاولى". كالو لينا راه جايات جوجت الاميرات لعندنا" يؤكد التقني ل"كود".
طبعا لم يقتصر الحضور على عدد اكبر من التقنيين والفنيين بل حضرت مديرة مديرية "الاخبار" فاطمة البارودي الى العمل واخا يوم عطلة "العرايشي هو اللي اخبر المسؤولين وهما خبرونا" يؤكد التقني ل"كود". "بقينا كتنسناو" يضيف مصدر اخر ل"كود" شوية وهما يدخلو جوجت لبنات ومعاهم مرا كبيرة، قدموهم على انهما "شريفات" وكالو باللي سمياتهم "لالة سكينة ولا مليكة" وباللي اللي معاهم دادة ديالهم" يشرح مصدر "كود".
العاملون في هذا اليوم اعتقدوا ان سبب زيارة "هاد الاميرات واخا ماشي اميرات بصاح يمكن بنات شي اميرة ولا امير، هو زيارة التلفزيون لكنهما دخلا الى مكتب مديرة الاخبار فاطمة البارودي "حنا شفناهم سلمو ودخلو لمكتب البارودي وشوية وحنا نشوفو ايمان عبلو/ اللي غادية تبان فالفيديو/ دخلات ما فهمنا والو".
طبعا العاملون سيعرفون باقي القصة فيما بعد. الطالبتان /الاميرتان/ طلبتا من البارودي وقبلها من العرايشي مساعدتهما في تسجيل بلاطو لمقدمة اخبار وقالتا انه يدخل في اطار مشروع لحصة الاشهار في جامعة الاخوين "لا لعرايشي ولا البارودي سولو هاد الطالبات على طبيعة المشروع وعلى فاش غادين يستاغلو هاد البلاطو" يضيف قيادي نقابي ل"كود". الصحافية مقدمة الاخبار طلب منها ان تقرأ بدون تغيير نصا مكتوبا معدا سلفا "كالو ليها عافاك ما تغيري والو" يضيف النقابي ل"كود". السيدة جاو عندها امرا والادارة فتحات ليهم الباب ما غيرت والو وقرات النص. بعد اسبوع سيكتشف المغاربة ومعهم كل من جيء به الى الاولى يوم الاحد ان الامر يتعلق باعلان عن البريزفاتيف "حسينا بالشمتة. اللي استغلنا ماشي هادوك الاميرات اللي ما عرفناش حتى بنات من بل الادارة اللي فتحات ليهم الباب" يحكي صحافي من الاولى ل"كود"
ادارة الاخوين حتى هي تسترت على الامر وقالت انها ستفتح تحقيقا لم تخبرنا عن اسماء الطالبات اما الاولى فارتكبت فضحية كبيرة فلم تسمح فقط باستغلال موارد الدولة لاغراض شخصية بل اهانت الجميع وجاءت بهم يوم احد. معطيات مثل هذه يجب ان لا يتم فقط فتح تحقيق في الموضوع بل معاقبة كل المتواطئين