بنهيمة يحرث وعدو اللي جابوها التماسيح يحصد. وقع اتفاقية "لارام" وجهة الداخلة لخط بين المدينة ولاس بالماس ومساهمة هذه الاخيرة قرابة 5 مليار وها ثمن الرحلة ونهاراش غادية تبدا

دابا بنهيمة وفريقو شحال هادي وهما كيتفاوضو مع جهات العيون الساقية الحمراء والداخلة وادي الذهب باش يتفتح خط بين الداخلة ولاس بالماس واخر بين العيون ولاس بالماس. هاد الصباح فقندق باب البحر وغير بوحدو ما معاه حد وقع عدو الباطرون الجديد ديال "لارام" اللي جابوه العفاريت لهاد المنصب٬ وقع مع رئيس جهة الداخلة وادي الذهب الخطاط ينجا اتفاقية شراكة تتعلق بالربط الجوي بين الداخلة و لاس بالماس.
حسب الاتفاقية وفق مصدر "كود" فان تنفيذها سيكون ابتداء من فاتح مارس المقبل. لارام غادية تؤمن رحلتين اسبوعيا بين الداخلة ولاس بالماس على متن طائرة من نوع Boeing 737، يومي الإثنين والجمعة، وسيتكفل المجلس الجهوي بتمويل اتفاقية الشراكة. حسب مصدر "كود" فان مساهمة الجهة في هذه الاتفاقية تصل الى 4.700.000 درهم. ثمن الرحلة وفق مصدر "كود" حدد في 1200 درهما ذهابا ولن يطرأ عليه تغيير كما ان عدد الكيلوات غادي يكون مضاعف على اللي كتعطيه "بينتر" اللي كانت كدير هاد الخط
ويتوقع ان يوقع حمدي ولد الرشيد رئيس جهة العيون الساقية الحمراء اتفاقية مماثلة قريبا ستربط بين العيون ولاس بالماس ولكن بوتيرة اكثر قد تصل 5 رحلات فالاسبوع وعلى متن نفس النوع من الطائرات