شباط ل"كود": الصحراء قضية وطنية مقدسة والحكومة ديما مأخرة ولا كان بنكيران ما متحكمش فالخارجية ما عندو ما يدير فهاد الحكومة ونعاود نكرر تندوف مغربية

هاجم حميد شباط الامين العام لحزب الاستقلال حكومة بنكيران بخصوص تأخرها في اصدار موقف من وصف بان كي مون الامين العام الاممي للمغرب بالمحتل. وقال شباط ل"كود" "الحكومة كعادتها في القضايا الكبرى متأخرة"، واضاف "هادي قضية وطنية مقدسة لا تحتمل التأخير، لكن الحكومة فعلت كما في القضايا السابقة كالفيضانات وتعنيف الاساتذة والزلزال وتاخرات".
شباط اضاف ل"كود" "باش كتشوف اللي كيوقع فالمغرب كيبان ليك باللي ما عندنا حكومة. الدستور في واد والحكومة في واد وعادي الناس تساءل "الحكومة فينا هي" ودعا شباط الحكومة الى الاهتمام بمواضيع تهم المغاربة عوض الخوض في سجالات فارغة.
في سؤال ل"كود" بان الخارجية ليست شأنا حكوميا رد شباط "ايلى الخارجية ماشي ديال الحكومة والداخلية ماشي ديال الحكومة والتعليم ماشي ديال الحكومة، كول لي بنكيران اش كيدير واش نا هي خدمتو".
شباط دعا الى الدفاع عن الصحراء واعاد التأكيد ان "تندوف مغربية وانها الى حدود 1652 كانت تابعة لاكادير" "دابا حصل ما حصل وعلال الفاسي رحمه الله ظل يردد ان استقلالنا عرج ودعا الى تحرير كافة المناطق من تندوف الى سبتة ومليلية واليوم نؤدي الثمن"