وختامه فضائج. اللي يسوى واللي نا يسواش عطاتو كرانس مونتانا جوائز رواد شباب المستقبل. بزاف ولاد وصحاب الشركات اللي مايديرين والو وكملوها جابو واحد فالخارجية ما فيدوش وعيان

قدمت في اختتام منتدى كرانس مونتانا جوائز للشباب الرواد. باستثناءات قليلة فالمغرب مثلا بحال زين العابدين شرف الدين اللي مقاتل باش يدير مهرجان فالداخلة عطاو هاد الجوائز غير لولد الرئيس وولد رجل الاعمال. نفهمو يعطيو لولد رئيس نيجيريا وبنت رئيس جنوب افريقيا٬ وبعض الافارقة٬ لكن لفضايح لكبيرة هي عطاوها لناس الداخلة. يا عباد الله ما دارو والو وهاد الشي اللي درتوه راه تمييع لهاد الجوائز. راه كلشي كيدير هاد الشي ولكن بلا عياقة. اوه حتى منتخبة نعطيوها جائزة وعلاش. نعطيو لدراري ما دارو والو حتى اللي كيخدم فولاية العيون وراكم حماضيتو وبسلتو
باش تكمل هاد المهزلة جابو مع القس دجيسي دجاكسون كريم مدرك وشكون هاد مدرك. كذبو على الناس وقدموه بانه مدير الديبلوماسية العمومية والناطق الرسمي باسم الخارجية. السيد اللي غادي يمشي سفير لاستراليا يمكن تماك يربي الكونكورو اما خدمتو فالخارجية راه ما فيدوش ومهزلة تحطوه حدا شخص محترم ولا باين ما بقاش محترم.
ها لمغاربة اللي خداو جائزة فكرانس مونتانا ومن غير شرف الدين زين العابدين ومنصور لمباركي وشي وحدين خراين ما يستاحقوش
شرف الدين زين العابدين
منصور لمباركي
الداهي البشير
خديجة الزاوي
محمد غالي خطور
مولاي الطيب بوحنانة
لمام ابريكة
بتينة العباسي
الخطاط الداهي
محمد ميشان حبة
المهدي بن عبد العياشي ولد لعريبي
بالاضافة الى شي وحدين اخرين