كشفت الجريدة الرقمية المؤدى عنها « لوديسك » عن اختلالات كبيرة كشفها تقرير المجلس الاعلى للحسابات عن الاوركسترا الفيلارمونيك بالمغرب. الاوركسترا التي يسيرها فريد بنسعيد حصلت على 22.5 مليون درهم مساعدات خلال السنوات الخمس الاخيرة ولكن فين مشاو هاديك مشكلة كبيرة حسب « لوديسك » فان تبريرات صرف مبالغ كبيرة ما واضحاش وان الاوركسترا تحولت الى بنك اذ اقرضت بعض العازفين 400 الف درهم بنسبة 8.5 بالمائة. شفتو السيبة اش كدير هاد الاوركسترا اللي عندها صفة المنفعة العامة منذ 1996 فضحها تقرير المجلس الاعلى للحسابات 2014 واللي يالله خرج. هاد الجمعية ما عمرها قدمات مشاريع للجنة التي تمنحها الدعم بمدينة الدارالبيضاء وهاد الاخيرة كتعطيها كل سنة 5 مليون درهم الا 2013 عطاتها نص المبلغ والفضيحة كما كشفتها « لوديسك » ان هاد الشي بلا مقابل بلا اجبار الفرقة على تقديم عروض موسيقية مجانية للسكان « المجلس الاعلى للحسابات دار خدمتو. حنا ما حتارمناش بعض التدابير ولكن مجلس المدينة راه كيراقبنا وكنظمو حفلات مجانية كما تم الاتفاق مع المدينة» رد رئيس الاوكسترا بنسعيد طبعا من يتابع الاوركسترا يعرف انه لم يتم تنظيم حفلات مجانية منذ مدة بنسعيد اعتبر هاد الاختلالات غير « صغيورة ». وا السي بنسعيد انت كتسير شركة ديالك وناجحة، علاش ما فيهاش هاد الاختلالات اللي فجمعية كتسيرها؟ ولا هاديك فلوسك ديالك ولخرى ديال المدينة؟ تفاصيل اكثر في « لوديسك »
