فيليب موريس لقات السيبة فالبلاد ووزراة الصحة ما هامهاش صحة لمغاربة وشوفو اش كدير باش توهم وتوسع عدد المدخنين

شركة التبغ العملاقة فيليب موريس لاقية السيبة فالبلاد. دايرة دعاية لكارو جديد فالمغرب اسمو "شيسترفيلد". باش تبيعو كالت بللي راه مزيان اللي كيقلب على الجودة والتصميم. دارتو غير ب20 درهم.
ماشي هاد الشي اللي خطير اللي خطير هو انها كتقول باللي "بدون اعواد" /تيج/ والحال وكلشي عارفو حتى وزارة الصحة المغربية ان هاد الشي مستحيل حقاش كيحتاجو التبغ باش يحافظ على التركيبة ديالو.
الكذبة الثانية هو توهيم المستهلك منين جاي هاد الكارو. كاتبين سويسرا وهو مصنوع فتركيا ومدخلين بريطانيا وهي غير دايرة الديزاين ديال البكية.
مستهلك غادي يثيق يكون ما كاينش الاعواد ومن اوربا وبثمن قليل صافي هو هذا اللي كنقلب عليه. هادي مسؤولية الحكومة اللي فشلات ماشي باش تحمي المستهلك من لكذوب فقط بل باش تخرج القانون التطبيقي لمنع التدخين في الاماكن العمومية