سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
السم فالعسل. ها علاش منافق بحال العريفي خطر كبير على المغرب. كتب تدوينة بالدارجة وكيسب بلادنا وغيرها وباغي يهدم الكنائس وكيكره وبلدان اخرى ونموذجو هو داعش وها موقفو من عقيدة الدولة المغربية
السعودي اللي عارضها عليه "الاصلاح والتوحيد" العريفي راجل "كوم" وخطير بزاف. كلشي كيديرو بالتواصل باش يخبي فكرو الحقيقي اللي هو ببساطة داعشي. كتب الداعشي بالدارجة المغربية على صفحته "مشيت للمغرب بزاف المرات وفكل زيارة ليه كنزيد نبغيه ونبغي الناس ديالو كثر. لمغاربة الله يعمرها دار وناس الخير وعزيز عليهم القرأن والعلم اوالمعقول" وختم "انا فرحان بزاف بالزيارة ديالو للمغرب. حبابنا كنبغيكم بزاف". طبعا هادي جاية من رجل التواصل كتسمى السم فالعسل. عسل لكلام والظرافة والتكلم بالدارجة ديالنا باش يوصل للجميع ويمرر خطابو المبنى على الكراهية والحقد. فكرو الداعشي. شوفو هاد الفيديو اللي فهاد المقال اش كيكول على هاد لبلاد وغيرها اللي كيكول راه كيحبها وكيكول على شعبها كنبغيكم بزاف. تعتبر السعودية المثال ماشي على ديموقراطيتها ولا حقوق الانسان ولا الحريات بل حقاش ما عندهاش "كنائس" و"اضرحة" ثم يقارن ما يعتبره "اسلاما" وشفتو الداعشي كيف داير٬ وما بين الدول العربية الاخرى ويقول "بينما تذهب الي عدد من بلدان المسلمين المتفرقة سترى الكنائس وربما رأيت الصلبان وربما رأيت انواع التربج". راه يا العريفي جاي لبلاد فيها مسيحيين فيهم شي مغاربة قلال بزاف وفيها بزافت الاوربيين والافارقة. جاي لبلاد كيحبو الاولياء الصالحين ودايرين ليهم اضرحة وكيزوروهم. طبعا متخلف بحالك ما قاريش تاريخنا ما غاديش تفهم هاد الشي. المغرب حكمو منذ القرن 17 زوايا. مارسوا السياسة ودافعو على بلادهم وشي حارب الاستعمار قلة قليلة تحالفات معاه. الاضرحة اللي باغي تهدمها يا العريفي فالمغرب جزء من الهوية المغربية. نفاقك باللي كتبغي شعب غير كذوب. اللي كيحب الشعوب كيحب هويتها وثقافتها. لمغاربة اشاعرة وسطيون وامثالك يا حنبلي تعتبرونهم فرقة ضالة. اي انك تزور دولة عقيدتها اشعرية. تزورها كي تحارب هذه العقيدة. داعش لا مكان لها في هذا المغرب ما من يوهمنا بعسل وكله سم فتاك بالمجتمعات وكاره للحياة
