الفرشة. واش بصاح احيزون صادق فاعتماد الية الديكروباج؟ هذا ما قاله وهذا ما يقوله الواقع. احيزون ما قدرش يكول باللي اللي كيهاجموه كاينين فالمحيط الملكي

الناس كانو يكتسناو احيزن باطرون "اتصالات المغرب" في ندوة نظمها ببرجه العاجي بالرباط امس الخميس السيد يتواضع ويخرج من الندوات اللي كدار باش تمجد شخصه. عوض تقديم معطيات لجأ الى الرد على ما وصفه ب"الادعاءات". هو لم يشر لا الى من اطلقها ولا الى الجهة التي دفعتها. خلى كلشي عايم وكال "مجموعة "اتصالات المغرب" تنضبط لآلية "التقسيم الحلقي" /الديكوباج/ منذ سنة 2008،
بل وعملت على تخفيض تسعيرة الولوج إلى البنيات التي استثمرت فيها المجموعة منذ سنوات خلت في قطاع الاتصالات بالمغرب.
ثم اضاف "من قال اننا نرفض اعتماد الية التقسيم الحلقي او الديكوباج" مجرد ادعاء وخبر عار من الصحة ولاظهار صجة ما ذهب اليه كرر "من شأن اعتماده ضخ مداخيل جديدة في حصيلة المجموعة من لدن الفاعلين الآخرين بوصفهم زبناء ومتعاملين مع الفاعل التاريخي في نفس الآن.
اولا قبل ما نتحققو ف"كود" من صحة هذه التصريحات ومطابقتها على الممارسة اليومية لشركة احيزون، نعرفو بعدا اش نا هو هاد التقسيم الحلقي.
عقلتو باش الدولة تاعت اتصالات المغرب لفرنسا بدا لحفير فالمغرب كلو. الفاعل التاريخي اتصالات المغرب بدا من جديد وكلشي دارو لراسو من قوادس فيهم الكابلات وكل ما له علاقة بالربط. دازت ليام ودخلات "ميديتل". اقتصر عملها على الهاتف النقال لانه لا يتطلب استثمارات كثيرة، وجات ف2008 "انوي" ديال الهولدينك الملكي. هنا كلشي غادي يتغير. الشركة ضغطت كي تستفيذ من البينة التحتية التي وضعتها "اتصالات المغرب" وهذا الامر معمول به في كل الدول لتفادي عمليات حفر جديدة مكلفة على جميع المستويات.
تقاسم البنية التحتية من كابلات وكل ما هو مرتبط بالشبكة تم بعد نزاع. اخبرت "انوي" بخارطة اتصالات المغرب كي تبدأ العمل، غير ان شركة احيزون بدأت في اضافة "ديكروباج جديد متفرع عن القديم" يقول خبير في الاتصالات ل"كود" بمعنى انها منحت خارطة ولما اضافت موزعات جديدة لم تخبر لا "انوي" ولا "الوكالة الوطنية لتقنين الاتصالات" اللي كتحكم فكلشي.
الوكالة تقلقات وما بقاتش تخاف من السي عبد السلام وحيحات عليه و"انوي" حتى هي. اتصالات المغرب ردت بالقول ان هذه الموزعات تدخل في اطار تحسين خدمات زبنائها وما كاين لاش تخبر شي جهة.
هكذا انتصرت اخيرا الدولة من خلال وكالة تقنين الاتصالات واوقفت هيمنة "اتصالات المغرب" وقررت "ما كاين حتى شي شركة دير شي حاجة بلا ما تخبرني".
علاش هاد الصداع كلو على الموزعين اللي كيوصلو الاشتراكات في الهاتف النقال وا دي اس لي /الانترنيت/؟ حقاش هاد الشي محتاكراه اتصالات المغرب وكلشي لمغاربة كيتشاكاو دابا من مشاكل كثيرة فالانترنيت وحاصلين حقاش بوحدها كتبورد علينا واللي ما عجبو الحال يضرب راسو مع الحيط.
السي احيزون كان يتجرأ ويكول باللي اللي كيهاجموه من التحت وعن حق ماشي عن باطل هما ناس من المحيط الملكي يمكن صحابو بزاف ولكن ما قدرش وهادي قضية اخرى