على من كيضحكو هادو. كاليك "كوب 22" تجري بشكل جيد جدا. ما حشمتوش فضايحكم وفضايح تواصلكم عطات: كولو لينا غير كيفاش شي "ما عاف السبع" خدمو وكيفاش الحيطي مولات الزبل الطالياني دافع على المناخ والبيئة

كاين شي مسؤولين ما عندهمش علاش يحشمو، هادوك اللي مستافدين من هاد الكعكة كيشكرو. دابا رئيس قطب اللوجستيك والأمن في المؤتمر العالمي حول التغيرات المناخية (كوب 22) عبد السلام بيكرات، اليوم الخميس بمراكش، قال ان التحضيرات لقمة "كوب 22 " التي ستحتضنها المدينة الحمراء شهر نونبر المقبل، تجري بشكل جيد جدا وفي احترام تام لكافة الالتزامات.
كول لينا يا سي عبد السلام باش جيدة جدا. صورة الحدث اللي وحدة من المنظمين اسمها حكيمة الحيطي جابت للمغرب الزبل، ولا هادوك ديال التواصل اللي شاط فشي بلاصة وما عاف السبع جبتوه وخبيتوه فهاد الحدث. كيفاش خدمو هاد الناس وكيفاش دخلو وشكون جاب هادوك الصحافيين الافارقة ولاش جاو ولمغاربة اللي محتاضنينو ما فرساهم والو.
وا السي بيكرات راك غير كتخربق انت واللي جابو الصحافيين. راه حدث بادي عوج.
اليزمي ادريس اش لاحو لهاد الحدث. ديما كدخلو المساواة والديموقراطية والمجتمع المدني ولكن من وجهة نظر الدولة العميقة
باراكا من الزواق راه كيطير كيطير