منقبات مرشحات وما باغياتش يبنو وجههم: دابا علاش الداخلية خلات "النهضة والفضيلة" يهين ويحتقر المرأة وما دخلاتش وعلاش الجمعيات النسائية صرطات لسانها وكتنوض تغوت غير ايلى كانت شي حاجة عندها علاقة بالعدالة والتنمية

اكبر اهانة للمرأة المغربية فهاد الانتخابات ما دارهاش حزب العدالة والتنمية بل وزارة الداخلية اللي سمعات لحزب النهضة والفضيلة نساء في سلا ولفقيه بنصالح منقبات وما ماعرفنا اش دايرات حقاش دار صور ديال وكلاء اللائحة وفبلاصة صور النساء خلاهم خاويين. كيفاش فزمن المناصفة والمساواة يتم ترك حزب يرى المرأة عورة. واش هاد الشي ماشي اخطر بكثير كيف قال حميد زيد فمقالو ف"كود" البارح٬ من ترشيح العدالة والتنمية لسلفي في كيليز بمراكش =حماد القباج=.
محمد الخاليدي الامين العام للحزب اللي تاصلات بيه "كود" بزافت المرات وما جاوبش٬ قال ل"الصباح" في عدد يومه السبت الاحد ان المعنيات لسن منقبات وانهن خائفات من استغلال صورهن. تبرير بليد جدا. شكون يستغل صورهن وعلاش مرشحهم كاع حزبك
الخاليدي لاح كلشي على حصاد وقال ان مصالحه قبلت اللوائح ولم تعترض عليها.
دابا فين هما الجمعيات النسائية علاش كلشي صرط لسانو وسكت وعلاش كلشي الاحزاب السياسية ما هضراتش على هاد الاهانة. كون شي حاجة عندها علاقة بالبي جي دي كون كلشي كيهدر